ရေမြောင်းဆင်းရှင်းသည့် စည်ပင်ဝန်ထမ်း ရေစီးနှင့်မျောပါပိတ်မိ၊ မီးသတ်တပ်ဖွဲ့ ကယ်ထုတ်နိုင်ခဲ့

မန္တလေးတိုင်းဒေသကြီး၊ ချမ်းအေးသာစံမြို့နယ်တွင် မိုးသည်းထန်စွာရွာသွန်းနေစဉ် ပိတ်ဆို့နေသော ရေမြောင်းအတွင်း ဆင်းရှင်းပေးနေသည့် စည်ပင်ဝန်ထမ်းတစ်ဦး ရေစီးနှင့်အတူ မျောပါကာ ရေမြောင်းအတွင်း ပိတ်မိခဲ့သော်လည်း မီးသတ်တပ်ဖွဲ့က အချိန်မီကယ်ထုတ်နိုင်ခဲ့ကြောင်း သိရသည်။

ဖြစ်စဉ်မှာ ယနေ့ နိုဝင်ဘာ ၄ ရက် နံနက် ၉ နာရီခန့်က အောင်နန်းရိပ်သာအနောက်ရပ်ကွက်၊ ၈၃ လမ်းနှင့် ၃၄ လမ်းထောင့်ရှိ ရေမြောင်းပိတ်ဆို့မှုကို စည်ပင်ဝန်ထမ်း ဦးကျော်မင်းသူက ဆင်းရှင်းပေးနေစဉ် မိုးရေစီးသန်လာသဖြင့် ရေနှင့်အတူ မျောပါသွားပြီး ရေမြောင်း၏ တစ်ဖက်အပေါက်တွင် ပိတ်မိခဲ့ခြင်းဖြစ်သည်။

အဆိုပါဖြစ်စဉ်ကြောင့် ချမ်းအေးသာစံမြို့နယ် မီးသတ်တပ်ဖွဲ့ဝင်များက ကယ်ဆယ်ရေးလုပ်ငန်းများ ဆောင်ရွက်ခဲ့ရာ နံနက် ၉ နာရီ ၁၁ မိနစ်ခန့်တွင် ဦးကျော်မင်းသူကို ထိခိုက်မှုအန္တရာယ်မရှိဘဲ အောင်မြင်စွာ ကယ်ထုတ်နိုင်ခဲ့ကြောင်း သိရသည်။

#သုတမြေ #သတင်းထူးသတင်းဦး #စည်ပင်