မိုးသက်လေပြင်းနှင့် လှိုင်းကြီးနိုင်၍ ကမ်းရိုးတန်းဒေသများ သတိထားရန် တိုက်တွန်း

ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတွင် မုတ်သုံလေ အားကောင်းစွာ တိုက်ခတ်နေပြီး ကျန်ဘင်္ဂလားပင်လယ်အော်ဒေသများတွင် မုတ်သုံလေ အားအသင့်အတင့် ဆက်လက်ရှိနေကြောင်း သိရသည်။ ထို့ပြင် ကပ္ပလီပင်လယ်ပြင်နှင့် ဘင်္ဂလားပင်လယ်အော်အများစုတွင် တိမ်အသင့်အတင့်မှ တိမ်ထူထပ်နေသည့် အခြေအနေများ ဖြစ်ပေါ်နေသည်။

မနက်ဖြန် မွန်းတည့်ချိန်အထိ ခန့်မှန်းချက်အရ နိုင်ငံတစ်ဝန်း တိုင်းဒေသကြီးနှင့် ပြည်နယ်အများစုတွင် မိုးထစ်ချုန်းရွာသွန်းနိုင်ပြီး မန္တလေး၊ မကွေး၊ စစ်ကိုင်းအောက်ပိုင်း၊ ကယားနှင့် ချင်းပြည်နယ်တို့တွင် နေရာကွက်ကျား မိုးရွာနိုင်မည်ဖြစ်သည်။ နေပြည်တော်နှင့် ရှမ်းပြည်နယ်အရှေ့ပိုင်းတွင် နေရာစိပ်စိပ် မိုးရွာနိုင်ကာ စစ်ကိုင်းအထက်ပိုင်း၊ တနင်္သာရီ၊ ကချင်နှင့် ရခိုင်ဒေသများတွင် နေရာကွက်၍ မိုးကြီးနိုင်ကြောင်း ခန့်မှန်းထားသည်။

လက်ရှိတွင် နေပြည်တော်၊ ရန်ကုန်၊ ပဲခူး၊ မကွေး၊ စစ်ကိုင်း၊ ဧရာဝတီ၊ တနင်္သာရီတိုင်းဒေသကြီးများနှင့် ကချင်၊ ကရင်၊ ချင်း၊ မွန်၊ ရခိုင်ပြည်နယ်များအပြင် ရှမ်းပြည်နယ်မြောက်ပိုင်းတို့တွင် မိုးတိမ်တောင်များ ဖြစ်ထွန်းလျက်ရှိသည်။ အဆိုပါ မိုးတိမ်တောင်များ ရွေ့လျားရာလမ်းကြောင်းတစ်လျှောက်၌ မိုးထစ်ချုန်းရွာခြင်း၊ လေပြင်းတိုက်ခတ်ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းများ ဖြစ်ပေါ်နိုင်သဖြင့် ပြည်သူများ ကြိုတင်သတိပြုနေထိုင်ရန် အကြံပြုထားသည်။

ထို့အပြင် မြန်မာ့ကမ်းရိုးတန်းနှင့် ကမ်းလွန်ပင်လယ်ပြင်ဒေသများတွင် တစ်ခါတစ်ရံ မိုးသက်လေပြင်းများ ကျရောက်နိုင်ပြီး လှိုင်းအသင့်အတင့်မှ လှိုင်းကြီးအဆင့်အထိ မြင့်တက်နိုင်ကြောင်း သိရသည်။ မိုးသက်လေပြင်းကျစဉ် ရေပြင်နှင့် မြေပြင်လေတိုက်နှုန်းမှာ တစ်နာရီလျှင် ၂၅ မိုင်မှ ၃၀ မိုင်အထိ ရှိနိုင်ပြီး လှိုင်းအမြင့်မှာ ၇ ပေမှ ၉ ပေခန့်အထိ ရောက်ရှိနိုင်သည်။

နောက်နှစ်ရက်အတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတွင် မုတ်သုံလေ ဆက်လက်အားကောင်းနေမည်ဟု ခန့်မှန်းထားသည်။

မြို့ကြီးများအတွက် ခန့်မှန်းချက်အရ နေပြည်တော်တွင် မိုးတစ်ကြိမ်မှ နှစ်ကြိမ်အထိ ထစ်ချုန်းရွာနိုင်ပြီး ရန်ကုန်တွင် နေရာကွက်ကျား မိုးရွာနိုင်ကာ မန္တလေးတွင် မိုးရွာနိုင်ခြေ ၆၀ ရာခိုင်နှုန်းရှိကြောင်း ထုတ်ပြန်ထားသည်။

ကိုးကား - မိုးဇလ

#ရာသီဥတု #မိုးကြီး #သုတမြေ

See less