ဆရာကြီး ရွှေဘုန်းမိုလ်၏ သောကြာသားသမီးများအတွက် ၁ ပတ်စာ ဟောစာတမ်း

ပညာရေး
ယခုတစ်ပတ်အတွင်း ပညာရေးနှင့် သင်တန်းကိစ္စများတွင် အကြံဉာဏ်ကောင်းပေးသူနှင့် ဆုံတွေ့ရတတ်သည်။ သို့သော် မိမိအား အမှန်တကယ်ကူညီလိုသူနှင့် အကျိုးလိုသူကို ခွဲခြားသိမြင်ရန် လိုအပ်မည်။ စာမေးပွဲဖြေဆိုရန်ရှိသူများ အာရုံစူးစိုက်မှုကောင်းပါက ရလဒ်ကောင်းရရှိနိုင်သည်။

ကျန်းမာရေး
အချိုဓာတ်များသော အစားအသောက်များ လျှော့စားသင့်သောကာလဖြစ်သည်။ အိပ်ရေးမဝခြင်း၊ ခေါင်းမူးခြင်းနှင့် အစာမကြေခြင်းတို့ ဖြစ်ပေါ်လာနိုင်သဖြင့် အနားယူချိန်ကို ဂရုစိုက်ပါ။

လူမှုရေး
သောကြာသားသမီးတို့၏ သဘာဝအတိုင်း စိတ်နူးညံ့၍ ချစ်ခင်တတ်သောကြောင့် လူအများ၏ ချစ်ခင်လေးစားမှု ရရှိမည်။ မိတ်ဆွေဟောင်းတစ်ဦးထံမှ သတင်းကောင်းကြားရတတ်ပြီး လူမှုဆက်ဆံရေး ပိုမိုကောင်းမွန်လာမည်။

စီးပွားရေး
အဆက်အသွယ်ကောင်းများကြောင့် အလုပ်အကိုင်နှင့် စီးပွားရေးတွင် တိုးတက်မှုများ မြင်တွေ့ရမည်။ ရပ်တန့်နေသော လုပ်ငန်းတစ်ခု ပြန်လည်လှုပ်ရှားလာနိုင်သည်။ သို့သော် အလွန်အကျွံ ရင်းနှီးမြှုပ်နှံမှုများကို ယခုအပတ်တွင် မပြုလုပ်သေးသင့်ပါ။

အချစ်ရေး
စိတ်ခံစားမှုကြွယ်ဝသော သောကြာသားသမီးများအတွက် အချစ်ရေးတွင် ဆုံးဖြတ်ချက်များကို စိတ်အလိုလိုက်၍ မချမှတ်သင့်ပါ။ ချစ်သူရှိသူများ နားလည်မှုတိုးပွားမည်။ တစ်ကိုယ်တည်းသမားများမှာ စိတ်ဝင်စားဖွယ် လူတစ်ဦးနှင့် ဆုံတွေ့ရတတ်သည်။

ကံကောင်းအရောင်
အုတ်ကျိုးရောင်၊ ပန်းရောင်နု

ကံကောင်းနံပါတ်
၅ ၊ ၉

ယတြာ
အိပ်ယာဝင်ချိန်မတိုင်မီ ဘုရားရှေ့တွင် ပုတီး (၉) ပတ် စိပ်ပြီး မေတ္တာပို့ဆုတောင်းပါ။ ထို့ပြင် သက်ကြီးရွယ်အိုတစ်ဦးအား သောက်ရေ သို့မဟုတ် အချိုရည် လှူဒါန်းပေးခြင်းဖြင့် ကံကောင်းမှု တိုးပွားစေနိုင်သည်။

တစ်ပတ်တာ အကြံပြုချက်
အလျင်စလို ဆုံးဖြတ်ချက်များကို ရှောင်ကြဉ်ပြီး မိမိ၏ စိတ်ခံစားချက်ထက် အကျိုးအကြောင်းဆင်ခြင်မှုကို ဦးစားပေးပါက ယခုတစ်ပတ်အတွင်း အခွင့်အရေးကောင်းများကို လက်လွတ်မခံဘဲ ရယူနိုင်မည် ဖြစ်ပါသည်။