ကန်တော်ကြီးအတွင်း ပျောက်ဆုံးနေသည့် အမျိုးသားတစ်ဦး ရုပ်အလောင်းတွေ့ရှိ

ရန်ကုန်မြို့၊ မင်္ဂလာတောင်ညွန့်မြို့နယ်အတွင်းရှိ ကန်တော်ကြီးတွင် စက်တင်ဘာ ၆ ရက်က အသက် ၄၀ ကျော်အရွယ် အမျိုးသားတစ်ဦး၏ ရုပ်အလောင်းကို တွေ့ရှိဆယ်ယူခဲ့ကြောင်း လူမှုကူညီရေးအဖွဲ့များထံမှ သိရသည်။

တွေ့ရှိခဲ့သည့် အမျိုးသားမှာ မင်္ဂလာတောင်ညွန့်မြို့နယ်တွင် နေထိုင်သူဖြစ်ပြီး ရက်အနည်းငယ်ကြာ ပျောက်ဆုံးနေသဖြင့် မိသားစုဝင်များက လူပျောက်တိုင်ကြားထားသူဖြစ်ကြောင်း သိရသည်။

လက်ရှိတွင် သေဆုံးသူ၏ ရုပ်အလောင်းကို ရန်ကုန်ပြည်သူ့ဆေးရုံကြီးသို့ ပို့ဆောင်ထားပြီး သေဆုံးရသည့် အကြောင်းရင်းနှင့် ဖြစ်စဉ်အသေးစိတ်ကို တာဝန်ရှိသူများက စစ်ဆေးနေဆဲဖြစ်ကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ သေဆုံးသူသည် မည်သည့်အကြောင်းကြောင့် သေဆုံးခဲ့သည်ကို လတ်တလော အတည်ပြုနိုင်ခြင်း မရှိသေးကြောင်းလည်း သိရသည်။

ပုံ - ဒီဃာယုက လူမှုကူညီရေးအသင်း

#သတင်းထူးသတင်းဦး #သုတမြေ #ပြည်တွင်း