တောင်ကိုရီးယားတွင် တစ်လကျော် ပိတ်မိနေသည့် ငါးမန်း ပင်လယ်ပြင်သို့ ပြန်လည်ရောက်ရှိ
တောင်ကိုရီးယားနိုင်ငံ ဘူဆန်မြို့ရှိ လူလုပ်တူးမြောင်းအတွင်း တစ်လကျော်ကြာ ပိတ်မိနေခဲ့သည့် “ဘူကန်အီ” (Bukang-i) ဟု အမည်ပေးထားသော ငါးမန်းမတစ်ကောင်သည် ဗုဒ္ဓဟူးနေ့တွင် ပင်လယ်ပြင်သို့ အောင်မြင်စွာ ပြန်လည်ထွက်ခွာနိုင်ခဲ့ကြောင်း သိရသည်။
အရှည် ၃ ဒသမ ၅ မီတာခန့်ရှိသည့် ငါးမန်းမကို စက်တင်ဘာ ၁၈ ရက်က ဘူဆန်မြို့ မြောက်ဆိပ်ကမ်းကမ်းနားပန်းခြံရှိ တူးမြောင်းအတွင်း တွေ့ရှိခဲ့ခြင်းဖြစ်သည်။ ယခင်နှစ်ကြိမ် ကြိုးပမ်းမှု မအောင်မြင်ခဲ့ပြီးနောက် တတိယအကြိမ် ကြိုးပမ်းမှုကို ရှစ်နာရီခန့် ဆောင်ရွက်ခဲ့ရာ ညနေ ၅ နာရီ ၅၀ မိနစ်တွင် အောင်မြင်ခဲ့သည်။
ငါးမန်းမရှိနေခြင်းကြောင့် အဆိုပါပန်းခြံသို့ လာရောက်လည်ပတ်သူ ၁၆ သိန်းကျော်အထိ ရှိခဲ့သည်။ သို့သော် ရေအပူချိန် ကျဆင်းလာခြင်းနှင့် တစ်လလုံး အစာစားသည်ကို မတွေ့ရခြင်းတို့ကြောင့် ၎င်း၏ ကျန်းမာရေးအတွက် စိုးရိမ်မှုများ မြင့်တက်ခဲ့ကြောင်း သိရသည်။