လနှင့် သောကြာဂြိုဟ် အနီးကပ်မြင်တွေ့ရမည့် ယနေ့ည ထူးခြားသောကောင်းကင်မြင်ကွင်း

ယနေ့ စက်တင်ဘာ ၁၄ ရက်၊ တနင်္လာနေ့ညတွင် လနှင့် သောကြာဂြိုဟ် (Venus) တို့ ကောင်းကင်ယံ၌ အနီးကပ်တည်ရှိနေသကဲ့သို့ မြင်တွေ့ရမည်ဖြစ်ပြီး သောကြာဂြိုဟ်၏ တောက်ပမှုအမြင့်ဆုံးအချိန်နှင့်လည်း တိုက်ဆိုင်နေမည်ဖြစ်သည်။

လနှင့် သောကြာဂြိုဟ် အနီးကပ်မြင်တွေ့ရခြင်းမှာ ပုံမှန်ဖြစ်စဉ်တစ်ခုဖြစ်သော်လည်း ယခုအကြိမ်တွင် သောကြာဂြိုဟ်က အထူးတောက်ပနေမည်ဖြစ်သောကြောင့် ကောင်းကင်ကြည့်ရှုသူများအတွက် ပိုမိုထူးခြားသည့် မြင်ကွင်းတစ်ခု ဖြစ်လာမည်ဖြစ်သည်။

အဆိုပါကောင်းကင်ဖြစ်စဉ်ကို နေဝင်ပြီးနောက် ဆည်းဆာအချိန်တွင် အကောင်းဆုံးမြင်တွေ့နိုင်မည်ဖြစ်ပြီး တောင်ဘက်ကောင်းကင်ယံသို့ ကြည့်ရှုပါက သောကြာဂြိုဟ်ကို ထင်ရှားစွာ တွေ့မြင်နိုင်မည်ဖြစ်သည်။

ထိုအချိန်တွင် လသည် လဆန်းစအခြေအနေဖြင့် ပါဝင်နေမည်ဖြစ်ပြီး သောကြာဂြိုဟ်၏ တောက်ပမှုက ပိုမိုထင်ရှားနေမည်ဖြစ်သည်။ အဆိုပါမြင်ကွင်းသည် ကောင်းကင်ဓာတ်ပုံရိုက်ကူးလိုသူများအတွက်လည်း အခွင့်အရေးကောင်းတစ်ခု ဖြစ်လာမည်ဖြစ်သည်။

အထူးသဖြင့် အမေရိကန်နိုင်ငံ အရှေ့ပိုင်းဒေသများတွင် ထိုည၌ တိမ်ထူထပ်မှု အလွန်နည်းပါးမည်ဟု ခန့်မှန်းထားသောကြောင့် ကောင်းကင်ယံကို ရှုစားရန် အခြေအနေကောင်းများ ရှိမည်ဖြစ်သည်။

Fox Weather news

#သုတရသ #သုတမြေ #လ #သောကြာဂြိုလ်