မော်စကိုအဆောက်အဦး ဒရုန်းဖြင့် တိုက်ခိုက်ခံရ

မော်စကိုမြို့ရှိ အထင်ကရ နေရာတစ်ခုတွင် တည်ရှိသော အထပ်မြင့်အဆောက်အအုံတစ်ခုကို တိုက်ခိုက်ခံရပြီးနောက် မီးသတ်တပ်ဖွဲ့ဝင်များနှင့် အရေးပေါ်ကူညီရေးအဖွဲ့များ အလျင်အမြန် ရောက်ရှိကာ ကူညီဆောင်ရွက်ခဲ့ကြသည်။
မော်စကိုမြို့တော်ဝန် Sergei Sobyanin က အဆိုပါ အဆောက်အအုံသည် ညအချိန်အတွင်း ထိခိုက်တိုက်ခိုက်ခံခဲ့ရကြောင်း ပြောကြားခဲ့ပြီး ပျက်စီးမှုအသေးစိတ်အခြေအနေကိုတော့ မသိရသေးကြောင်း ထပ်မံရှင်းလင်းပြောကြားခဲ့သည်။ အာဏာပိုင်များ၏ ပြောကြားချက်အရ လုံခြုံရေးတင်းကျပ်စွာ ကာကွယ်ထားသော မြို့တော်တွင် ဖြစ်ပွားသော တိုက်ခိုက်မှုများအနက် ရှားပါးသော ဖြစ်ရပ်တစ်ခု ဖြစ်ကြောင်း သိရသည်။
ဤဖြစ်ရပ်သည် ရုရှားနိုင်ငံ၏ နှစ်စဉ် မေလ ၉ ရက်နေ့ အထိမ်းအမှတ်အခမ်းအနားများ မတိုင်မီ ရက်အနည်းငယ်အလိုတွင် ဖြစ်ပွားခဲ့ခြင်းဖြစ်သည်။ မော်စကိုရှိ Red Square တွင် ကျင်းပမည့် စစ်ရေးပြပွဲသည် နှစ်ပေါင်းနှစ်ဆယ်နီးပါးအတွင်း ပထမဆုံးအကြိမ်အဖြစ် အင်အားကြီး လက်နက်ကြီးများနှင့် စစ်ယာဉ်များ မပါဘဲ ကျင်းပနိုင်မည်ဟု ခန့်မှန်းထားကြသည်။ ယင်းမှာ ယူကရိန်းဘက်မှ ဖြစ်နိုင်ချေရှိသော ဒရုန်းတိုက်ခိုက်မှုအန္တရာယ်များကြောင့်ဖြစ်သည်။
နောက်ဆုံးအပတ်များအတွင်း ယူကရိန်းသည် ရုရှားနိုင်ငံအတွင်း ဝေးလံသော နေရာများသို့ တိုက်ခိုက်မှုများ တိုးမြှင့်လုပ်ဆောင်လာခဲ့ပြီး ရေနံသန့်စင်စက်ရုံများ၊ လောင်စာဆီသိုလှောင်ရုံများနှင့် စစ်ရေးလေယာဉ်များကို ပစ်မှတ်ထားတိုက်ခိုက်နေကြောင်း အရာရှိများနှင့် သတင်းရင်းမြစ်များက ပြောကြားထားသည်။
#နိုင်ငံတကာ #သုတရသ #သတင်းထူးသတင်းဦး See less