America Got Talent ချန်ပီယံဆု အသက် ၁၆ နှစ်အရွယ်နီနီရွိုင်ရယ် ဆွတ်ခူး

ထိုင်းနိုင်ငံမှ အသက် ၁၆ နှစ်အရွယ် ရော့ခ်အဆိုတော်နှင့် ဂစ်တာသမား Nene Royal သည် “America’s Got Talent” Season 21 ၏ ချန်ပီယံဆုကို စက်တင်ဘာ ၂၃ ရက်တွင် ဆွတ်ခူးခဲ့ပြီး ဆုကြေးငွေ အမေရိကန်ဒေါ်လာ ၁ သန်း ရရှိခဲ့သည်။

အမည်ရင်း Rattikarn Amloy ဖြစ်သည့် Nene Royal သည် AGT သမိုင်းတွင် ချန်ပီယံဆုရရှိသည့် ပထမဆုံး ထိုင်းနိုင်ငံသားပြိုင်ပွဲဝင် ဖြစ်လာခဲ့သည်။

သူမသည် ဖူးကက်မြို့ရှိ Naka Weekend Market တွင် လမ်းဘေးဂီတဖျော်ဖြေမှုများ ပြုလုပ်ရာမှ စတင်ခဲ့ပြီး အမေရိကန်ခရီးသွား Sean ၏ အကူအညီဖြင့် AGT audition ဝင်ရောက်နိုင်ခဲ့သည်။ Sean သည် လျှောက်လွှာများ ဖြည့်စွက်ပေးခြင်း၊ audition ဗီဒီယိုများ ပေးပို့ခြင်းနှင့် လော့စ်အိန်ဂျလိစ်သို့ သွားရောက်ရန် ခရီးစရိတ်အချို့ကို ကူညီပေးခဲ့သည်။

AGT audition တွင် The Cranberries ၏ “Zombie” သီချင်းကို ရော့ခ်စတိုင်ဖြင့် ဖျော်ဖြေခဲ့ရာ အကဲဖြတ်ဒိုင်လေးဦးစလုံးထံမှ “Yes” မဲ ရရှိခဲ့ပြီး အဆိုပါ audition clip သည် Season 21 အတွင်း ကြည့်ရှုမှုအများဆုံး clip ဖြစ်လာခဲ့သည်။

Nene Royal ၏ အောင်မြင်မှုသည် ထိုင်းနိုင်ငံအတွက်လည်း AGT သမိုင်းဝင်အောင်မြင်မှုတစ်ရပ် ဖြစ်လာခဲ့သည်။

#သုတမြေ #americagottalent #entertainmentnews #ဖျော်ဖြေရေး #နိုင်ငံတကာ #သတင်းစုံ