အခက်အခဲတွေကြားမှာ ကြံ့ကြံ့ခံနိုင်ဖို့ ဇင်ဗုဒ္ဓဘာသာဘုန်းတော်ကြီးတစ်ပါးထံမှ သင်ခန်းစာများ

Building Compassion

(ကိုယ်ချင်းစာတရား တည်ဆောက်ခြင်း) (Part 2)

ကျွန်တော်တို့အားလုံးမှာ ကိုယ်တိုင်တောင် မနှစ်သက်တဲ့ အတွေးတွေ၊ စိတ်ဆိုးမှုတွေ၊ မနာလိုမှုတွေ ရှိတတ်ကြပါတယ်။ တစ်ခါတလေ ကိုယ်ပြောလိုက်တဲ့စကား၊ ကိုယ်လုပ်လိုက်တဲ့အပြုအမူကို ကိုယ်တိုင်ပြန်တွေးပြီး နောင်တရတာမျိုးလည်း ရှိတတ်ပါတယ်။

ဒါပေမဲ့ ဒီလိုခံစားချက်တွေကို ကိုယ်တစ်ယောက်တည်း ကြုံတွေ့နေရတာ မဟုတ်ပါဘူး။ တခြားသူတွေလည်း ကိုယ့်လိုပဲ စိတ်ဖိစီးမှုတွေ၊ စိတ်ပျက်မှုတွေနဲ့ ကိုယ်ပိုင်အခက်အခဲတွေကို ရင်ဆိုင်နေရကြပါတယ်။

ဥပမာ — သူငယ်ချင်းတစ်ယောက်က ကိုယ့်အပေါ် စကားပြောမကောင်းတဲ့အခါ ချက်ချင်းပြန်စိတ်ဆိုးမယ့်အစား “သူလည်း တစ်ခုခုကြောင့် စိတ်ဖိစီးနေတာများလား” လို့ စဉ်းစားကြည့်နိုင်တယ်။ ဒါဟာ သူ့ရဲ့အပြုအမူမှားတာကို လက်ခံလိုက်တာ မဟုတ်ပါဘူး။ သူ့အခြေအနေကိုလည်း နားလည်ဖို့ ကြိုးစားတာပါ။

တခြားသူတွေကို ကိုယ်ချင်းစာတတ်ဖို့အတွက် ကိုယ့်ရဲ့ခံစားချက်တွေကိုလည်း အရင်သတိပြုနားလည်ဖို့ လိုအပ်ပါတယ်။ ကိုယ့်အားနည်းချက်တွေကို နားလည်လက်ခံတတ်လာတဲ့အခါ တခြားသူတွေရဲ့အားနည်းချက်တွေကိုလည်း ပိုပြီးနားလည်ပေးနိုင်လာပါတယ်။

အဓိကသင်ခန်းစာက — လူတိုင်းမှာ ကိုယ်မမြင်နိုင်တဲ့ အခက်အခဲတွေ ရှိနေနိုင်တာကြောင့် တစ်ယောက်နဲ့တစ်ယောက် ပိုပြီးနားလည်ပေးဖို့၊ ကိုယ်ချင်းစာဖို့ လိုအပ်ပါတယ်။

#သုတမြေ#generalknowledge#positivemidset#reference