ရွေးကောက်ပွဲအနိုင်ရပါက Trump က ဒေါ်လာ ၅,၀၀၀ ပေးမည်ဟု ကတိပြု၊ ကလေးများပါဝင်မည်လား မသေချာ

အမေရိကန်သမ္မတ ဒေါ်နယ်လ်ထရမ့်က ရီပတ်ဘလစ်ကန်များ ရွေးကောက်ပွဲအနိုင်ရပါက အမေရိကန်နိုင်ငံသားများကို တစ်ဦးလျှင် ဒေါ်လာ ၅,၀၀၀ ပေးမည်ဟု ကတိပြုထားသော်လည်း အဆိုပါငွေတွင် ကလေးများပါ အကျုံးဝင်မဝင် မသေချာသေးပေ။

အောက်တိုဘာ ၂ ရက်တွင် ထရမ့်က “အမေရိကန်နိုင်ငံသားတိုင်း” ထံ ပေးမည်ဟု ပြောဆိုခဲ့သော်လည်း အခြားပြောဆိုချက်များတွင် “အရွယ်ရောက်ပြီးသူ နိုင်ငံသားတိုင်း” ဟု သတ်မှတ်ပြောကြားထားသည်။

ထို့ကြောင့် ကလေးများပါ အကျုံးဝင်ပါက မိသားစုများအတွက် ရရှိမည့်ငွေပမာဏမှာ သိသိသာသာ ကွာခြားနိုင်သည်။

သို့သော် အစီအစဉ်ကို အကောင်အထည်ဖော်ရန် ရီပတ်ဘလစ်ကန်များက အောက်လွှတ်တော်နှင့် အထက်လွှတ်တော် နှစ်ရပ်စလုံးတွင် အနိုင်ရရန်အပြင် ကွန်ဂရက်၏ ဥပဒေပြုအတည်ပြုချက်လည်း လိုအပ်မည်ဖြစ်သည်။ လက်ရှိအချိန်အထိ ယင်းအတွက် ဥပဒေကြမ်း တင်သွင်းထားခြင်း မရှိသေးပေ။

#သုတမြေ #သတင်းစုံ #ထရမ့်ပ် #ရွေးကောက်ပွဲ