ထိုင်းနိုင်ငံ၏ ရေနံတင်သင်္ဘောတစ်စင်းသည် ထိုင်းနှင့် အီရန်တို့အကြား သံတမန်ညှိနှိုင်းမှုများ ပြုလုပ်ပြီးနောက် ဟော်မုဇ် ရေလက်ကြားကို လုံခြုံစွာ

ထိုင်းနိုင်ငံ၏ ရေနံတင်သင်္ဘောတစ်စင်းသည် ထိုင်းနှင့် အီရန်တို့အကြား သံတမန်ညှိနှိုင်းမှုများ ပြုလုပ်ပြီးနောက် ဟော်မုဇ် ရေလက်ကြားကို လုံခြုံစွာ ဖြတ်သန်းနိုင်ခဲ့ကြောင်း၊ ထွက်ခွာရန်အတွက် ငွေပေးချေရန် မလိုအပ်ခဲ့ကြောင်း ဗုဒ္ဓဟူးနေ့တွင် ထိုင်းအရာရှိတစ်ဦးနှင့် သင်္ဘောကို ပိုင်ဆိုင်သည့် ရေနံကုမ္ပဏီက ပြောကြားခဲ့ပါတယ်။

Bangchak Corporation ပိုင်သည့် ရေနံတင်သင်္ဘောသည် ထိုင်းနိုင်ငံ ပြည်ပရေးရာဝန်ကြီး Sihasak Phuangketkeow နှင့် ထိုင်းနိုင်ငံရှိ အီရန်သံအမတ်တို့အကြား အောင်မြင်စွာ ဆွေးနွေးညှိနှိုင်းမှုများ ပြုလုပ်ပြီးနောက် တနင်္လာနေ့တွင် အဆိုပါ မဟာဗျူဟာအရေးပါသော ရေလမ်းကို ဖြတ်ကျော်ခဲ့တာပါ။

ထို့အပြင် SCG Chemicals ပိုင်သည့် အခြား ထိုင်းသင်္ဘောတစ်စင်းလည်း အဆိုပါ ရေလက်ကြားကို ဖြတ်သန်းရန် ခွင့်ပြုချက်ကို စောင့်ဆိုင်းနေကြောင်း Sihasak က ပြောကြားခဲ့ပါတယ်။

အီရန်နိုင်ငံသည် “မိတ်ဘက်ဆိုင်ရာ သင်္ဘောများ” သည် အီရန်အာဏာပိုင်များနှင့် ညှိနှိုင်းပါက ရေလက်ကြားကို ဖြတ်သန်းနိုင်ကြောင်း ကုလသမဂ္ဂ လုံခြုံရေးကောင်စီနှင့် အပြည်ပြည်ဆိုင်ရာ ရေကြောင်းအဖွဲ့ထံ သတင်းပေးပို့ခဲ့ကြောင်း Reuters သတင်းဌာနက အင်္ဂါနေ့တွင် ဖော်ပြခဲ့ပါတယ်။

Bangchak ရေနံတင်သင်္ဘော၏ လုံခြုံစွာ ဖြတ်သန်းမှုကို သေချာစေရန် Muscat ရှိ ထိုင်းသံရုံးသည် အိုမန်အာဏာပိုင်များနှင့်လည်း လက်တွဲလုပ်ဆောင်ခဲ့ပြီး ဘန်ကောက်ရှိ အီရန်သံရုံးနှင့်လည်း ညှိနှိုင်းခဲ့ကြောင်း ထိုင်းပြည်ပရေးရာဝန်ကြီးဌာနမှ သတင်းရင်းမြစ်တစ်ဦးက ပြောကြားခဲ့ပါတယ်။

X (ယခင် Twitter) တွင် အီရန်သံရုံးက ထိုင်းသင်္ဘော ဖြတ်သန်းမှုသည် နှစ်နိုင်ငံအကြား ရင်းနှီးသော ဆက်ဆံရေးကို ပြသနေကြောင်း ရေးသားခဲ့ပါတယ်။

The Nation News

#ရေလက်ကြား #နိုင်ငံတကာ #အီရန် #သုတရသ #သုတမြေ